<?xml version="1.0" encoding="UTF-8"?><song><author>David Folsom</author>
<aka>Public or Social Worship</aka>
<lyrics>[V1]
 Okla e moma kʋt il itʋnaha
 Kʋto, pi̱ nukha̱klo he mak o̱, Chisʋs
 Chia ka, e chi anukchietoshke;
 Pi̱ nukha̱klokbano, e chi ahnishke.

[V2]
 Himak a nitak ʋno, Ʋba Piki
 Chia, chim anumpa pulla fehna ka
 E chi̱ haponaklo pi bʋnna hokʋt
 Il itʋnaha kʋt pi yakohmishke.

[V3]
 Ʋba Pi̱ki Chitokaka chia ma!
 Chiso holitopa Klaist Chisʋs fehna
 Pulla tuk mak ona, ish pi̱ hullashke;
 Ʋlhpiesashke! Ish pim aiahnashke.

[V4]
 Yʋmohmi pullakma, hʋchi kanima
 Hʋchia hocha. Chisʋs pulla kʋno
 Hʋsh anukchieto tukmʋt, hʋch illi
 Kia, ik chillo choyuhma hi oke.

[V5]
 Ʋba Pi̱ki ʋt yak pim ahanchishke:
 &quot;Hʋchi nukshopa ná; ʋno pullʋshke;
 Hʋchi halʋlli li ka, ʋm anumpa
 Pulla ka hʋchik i̱ hofahyo kashke.&quot;

[V6]
 Ʋba Pi̱ki Chihowa hohchihi̱fo
 Pi̱ hullo kʋt &quot;Ʋm anumpa pulla ka
 Hʋsh haiyaklo kʋto hʋchi yukpashke.&quot;
 Ahanchi pulla kʋno, pi a yukpa.

[V7]
 &quot;Kʋna fehna hocha Chisʋs pulla ka
 Anukchieto tok fehna hatukma,
 Shitilema la wa, aiahni lishke;
 Ʋba hʋch I̱ki sa fehna hash ocha,

[V8]
 &quot;Okla hʋsh puta hʋchia hatukma,
 A hʋchim anumpohonli li kʋto,
 Ahanchi li pulla ka, hʋsh haiyaklo:&quot;
 Okla puta, ilʋppak osh im ʋhli.</lyrics>
<title>Okla e moma kʋt il itʋnaha ƲIT132</title>
<time_sig>11.11.11.11.</time_sig>
<hymn_number>132</hymn_number>
</song>